I hab im Traum a Engerl gsegn
mit silberweiße Haar,
jetzt wissert i halt gar so gern,
ob des des Christkind war.

I hab im Traum a Engerl gsegn
mit silberweiße Haar,
jetzt wissert i halt gar so gern,
ob des des Christkind war.

De Flügerln, de warn ganz aus Gold und´s Gsichterl liab und fein;
a so a Engerl kann do nur
des Christkind selber sein.

I hab´s zwar no net wirklich gsegn,
i stell mir´s halt so vua
und wenn i net bald Gwissheit hab,
is´s aus mit meiner Ruah.

Des Christkind kummt jeds Jahr zu mir,
wenn´s mi beschenken tuat,
doch immer, wenn i einekumm,
is es scho wieder furt.

A jeds Mal, wenn des Glöckerl läut´,
da saus i wia der Blitz
und laß mir ka Sekunden Zeit,
doch nutzen tuat´s mir nix.

Immer wieder kumm i z´spät,
jeds Jahr dieselbe Gschicht,
i kann mi tummeln, wia i will,
i kriag´s net zu Gesicht.

Dabei is net die Neugier nur,
die mi seit Jahren plagt,
i hätt halt nur dem Christkindl
gern amal “ Dank schön! “ gsagt.

Drum paß i heuer doppelt auf,
vielleicht gelingt´s mir do;
wenn i ´s amal derwischen könnt,
da wa´i richtig froh.

Mei größter Weihnachtswunsch is halt- wenn i ´s so recht bedenk –
„Amal mecht i ´s Christkind segn,
des wa´mei schönstes Gschenk“Das herzhaft.at Team wünscht allen Besuchern unserer Plattform ein gesegnetes Weihnachtsfest und ein paar geruhsame, erholsame Feiertag! Ob Sie das Christkindl antreffen werden, wissen wir nicht, aber wir wünschen Ihnen, dass es viele viele Geschenke für Sie bringt!

Frohe Weihnachten und ein gutes neues Jahr 2003!